នៅថ្ងៃពុធ ៩កើត ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ០២ ខែវិច្ឆិកា ឆ្នាំ២០២២ លោក ខាត់ បូរិន ប្រធានការិយាល័យក្សេត្រសាស្ត្រ និងផលិតភាពកសិកម្ម និងសហការី បានចុះពិនិត្យ និងវាយតម្លៃចំការតាង៉ែន ដែលបានស្នើសុំវិញ្ញាបនបត្រការអនុវត្តកសិកម្មល្អ (GAP) ចំនួន៦ ស្ថិតនៅក្នុងឃុំស្តៅ ត្រែង ផ្លូវមាស និងឃុំអណ្តើកហែប ស្រុករតនមណ្ឌល ខេត្តបាត់ដំបង។ ក្រុមការងារចុះវាយតម្លៃបានផ្តល់អនុសាសន៍មួយចំនួនដល់កសិករ ដើម្បីធ្វើរការកែលម្អដូចជា
-ធ្វើអនាម័យចំការ
-ការធ្វើជីកំប៉ុស្ត ត្រូវធ្វើកន្លែងទុកដាក់ឱ្យបានល្អ នៅឆ្ងាយពីចំការ
-រៀបចំឃ្លាំងសំរាប់ដាក់សំភារៈ (ថ្នាំពុល ជីនិងសំភារៈផ្សេងៗទៀតឱ្យមានសណ្តាប់ធ្នាប់ល្អ
-រៀបចំកន្លែងស្តុបទុក កាកសំណល់ បា្លស្ទិក សំបកកំប៉ុងថ្នាំពុល ឱ្យបានត្រឹមត្រូវរៀបរយល្អ
-បំពេញសៀវភៅកត់ត្រាឱ្យបានត្រឹមត្រូវច្បាស់លាស់
-បន្តធ្វើការតាមដានវត្តមានភ្នាក់ងារចង្រៃដូចជា សត្វល្អិតស៊ីដំណាំ និងជំងឺផ្សេងៗទៀត និងធ្វើការកត់ត្រាពីកាលបរិច្ឆេទលើការប្រើប្រាស់ថ្នាំពុលកសិកម្ម ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម