នៅថ្ងៃចន្ទ ១៤កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែមិថុនា ឆ្នាំ២០២២ ប្រធាន អនុប្រធាន និងមន្រីការិយាល័យនីតិកម្ម ចុះធ្វើអធិការកិច្ចអាជីវករលក់ដូរសម្ភារកសិកម្មនៅក្នុងស្រុកសំឡូត ដោយមានការចូលរួមពីមន្រ្តីទទួលបន្ទុកនីតិកម្មស្រុកសំឡូត ក្នុងនោះធ្វើការត្រួតពិនិត្យបានចំនួន ១០ដេប៉ូ និងកែតម្រូវ ២ករណី  លើការដាក់តាំងលក់ថ្នាំកសិកម្មគ្មានលេខបញ្ជិការពីក្រសួងកសិកម្ម រុក្ខាប្រមាញ់ និងនេសាទ។ ក្នុងនោះដែរ ក៏បានជំរុញដល់អាជីវករមកដាក់ពាក្យចូលរៀន ចំពោះអាជីវករដែលមិនទាន់បានឆ្លងកាត់វគ្គបណ្តុះ បណ្តាលអប់រំសមត្ថភាពវិជ្ជាជីវៈ និងណែនាំឱ្យអាជីវករមកដាក់ពាក្យស្នើរសុំលិខិតអនុញ្ញាតធ្វើអាជីវកម្មប្រចាំឆ្នាំ នៅការិយាល័យច្រកចេញចូលតែមួយសាលាស្រុក ឱ្យស្របតាមច្បាប់ស្តីពីការគ្រប់គ្រងជី និងថ្នាំកសិកម្ម។