នៅថ្ងៃព្រហស្បតិ៍ ០១កើត ខែផល្គុន ឆ្នាំឆ្លូវ ត្រីស័ក ព.ស២៥៦៥ ត្រូវនិងថ្ងៃទី០៣ ខែមីនា ឆ្នាំ២០២២ លោក ស៊ាន សំអុល នាយរងផ្នែករដ្ឋបាលជលផលព្រែកទាល់ បានដឹកនាំមន្ត្រីក្រោមឱវាទ កំលាំងសហគមន៍នេសាទព្រែកទាល់ ថ្វាង ដែលមានកាណូតស្មាច់ចំនួន០៤ គ្រឿង មនុស្សសរុបចំនួន ១១នាក់ ចុះអប់រំ ទប់ស្កាត់ និងបង្ក្រាបបទល្មើសជលផល ក្នុងឃុំកោះជីវាំង ស្រុកឯកភ្នំ ខេត្ដបាត់ដំបង ជាលទ្ធផលបានចំនួន ០២ករណី៖
-ករណី០១ នៅចំណុចរហាលឆកពា(អតីតឡូតិ៍នេសាទលេខ៤) ទទួលបានឧបករណ៍ និងសម្ភារៈមួយចំនួនដូចជា របាំងសាច់អួន ប្រវែង ៩០០ ម៉ែត្រ បង្គោលចំនួន ៣០០ដើម ឡុកចាប់ត្រី ចំនួន ០៦ គ្រឿង និងលែងត្រីចំរុះ ចំនួន ៥០ គីឡូក្រាម
-ករណី០២ នៅចំណុចរហាលកូនត្រុំ (ឡូតិ៍០៤) ទទួលបានឧបករណ៍ និងសម្ភារៈមួយចំនួនដូចជា អាំងវុិចទ័រឆក់ចំនួន ០២ គ្រឿង អាគុយ ៤០អំពែ ចំនួន ០១ គ្រឿង ដងឆក់ចំនួន ០២ គូ និងត្រីរ៉ស់ ចំនួន ១០ គីឡូក្រាម។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម