នៅថ្ងៃពុធ ០៨កើត ខែពិសាខ ឆ្នាំជូត ទោស័ក ព.ស២៥៦៣ត្រូវនឹងថ្ងៃទី២៩ ខែមេសា  ឆ្នាំ២០២០ កម្មវិធីផ្សព្វផ្សាយបច្ចេកកសិកម្មថ្មីដែលធន់ទៅនឹងការប្រែប្រួលអាកាសធាតុ (Aspire)នៃមន្ទីកសិកម្ម រុក្ខាប្រមាញ់ និងនេសាទខេត្តបាត់ដំបងៈ

            -លោក ប៉ិន សុង ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកបវេល និងសហការី បានចុះជួបកសិករបណ្តុំអាជីវកម្មបន្លែ នៃកម្មវិធីASPIRE នៅភូមិក្តុលលើ និងភូមិតាគត់ ឃុំក្តុលតាហែន ស្រុកបវេល ដើម្បីមើលពីការប្រមូលផលស្ពៃក្តោម ត្រប់ស្រួយ និងពិភាក្សាពីបញ្ហានានាមួយចំនួនរបស់កសិករ ដូចជាបច្ចេកទេសបន្ថែមទីផ្សារ និងបញ្ហាទឹកស្រោចស្រពផលដំណាំ អ្វីដែលគួរឲ្យកត់សំគាល់គឺកសិករអាចលក់ស្ពៃក្តោបបានតម្លៃ    ១ ៨០០៛ ទៅ២ ០០០៛/គ.ក្រ និងត្រប់ស្រួយអាចលក់បាន១៥០០៛ ទៅ១៨០០៛/គ.ក្រ។

            -កញ្ញា ខាន់ ច័ន្ទដារ៉ា ភ្នាក់ងារផ្សព្វផ្សាយឃុំសំរោងក្នុង ស្រុកឯកភ្នំ បានចុះពិនិត្យមើលការដំាដំណាំបន្លែស្ពៃបូកគោ ខាត់ណាផ្កា និងត្រសក់របស់កសិករបណ្តុំអាជីវកម្មបន្លែ ឌិន ចន្ទី ជាកសិករនៅភូមិសំរោងស្នោ ឃុំសំរោងក្នុង ស្រុកឯកភ្នំ ខេត្តបាត់ដំបង។

            -មន្រ្តីបច្ចេកទេស អនុកម្មវិធីASPIRE ខេត្តបាត់ដំបង និងលោក នូសម្បត្តិ ប្រធានការិយាល័យធនធម្មជាតិ និងបរិស្ថានស្រុកថ្មគោល បានចូលរួមធ្វើវេទិកាច្រើនភាគី ជាមួយគំរោង AIMS នៅសហគមន៍កសិកម្មសំរោងសិរីមង្គល ឃុំតាម៉ឺន ស្រុកថ្មគោល ខេត្តបាត់ដំបង ដើម្បីស្វែងរកបញ្ហា សំណូមពរ និងដំណោះស្រាយជូនកសិករ។ អ្វីដែលបានរកឃើញគឺ ១) ខ្វះបច្ចេកទេសដំាដុះដំណាំ ២) បញ្ហាទីផ្សារ ៣) បញ្ហាទឹកស្រោចស្រព ៤) បញ្ហាទុនពង្រីកអាជីវកម្ម។