នៅថ្ងៃសុក្រ ១៣កើត ខែផល្គុន ឆ្នាំកុរ ឯកស័ក ព.ស២៥៦៣ត្រូវនឹងថ្ងៃទី០៦ ខែមីនា ឆ្នាំ២០២០ លោក អុិន សុវណ្ណមុន្នី អនុប្រធានមន្ទីរ បានដឹកនាំលោក ខាត់ បូរិន ប្រធានការិយាល័យក្សេត្រសាស្រ្ត និងផលិតកម្មកសិកម្ម លោក ចាន់ សុត្ថា នាយរងខណ្ឌរដ្ឋបាលព្រៃឈើ និងក្រុមការងារកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) នៃមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង ក្នុងការជួបប្រជុំជាមួយគណៈកម្មការគ្រប់គ្រងសហគមន៌ព្រៃឈើបឹងជ្រៃក្រឹម នៅសហគមន៌ ភូមិតាគ្រី ឃុំតាគ្រី ស្រុកកំរៀង ខេត្តបាត់ដំបង ដើម្បីធ្វើបច្ចុប្បន្នភាពលើដំណាំឬស្សីផ្អែម ដែលកម្មវិធី ASPIRE  បានផ្តល់អោយដាំដុះ មើលថែចំនួន ៨០០គុម្ភ។ ជាលទ្ឋផលៈ

            - ឬស្សីផ្អែមបានឆេះ ដោយសាររាលដាលពីការឆេះឆ្លងស្រែនៅជុំវិញ អស់ប្រហែល ៩៥ ភាគរយ

            - នៅក្នុងសហគមន៌នេះ ទទួលប៉ះពាល់ដោយសារខ្វះទឹក ខ្វះទឹកស្រោចស្រព           

ជាផែនការ និងអនុសាសន៌ មន្រ្តីខណ្ឌរដ្ឋបាលព្រៃឈើៈ

            - ធ្វើវិសោតណកម្មលើសហគមន៌ ដើម្បីកែតម្រូវរចនាសម្ព័ន្ឋ គោលការណ៌ ផែនការសកម្មភាពច្បាស់លាស់

            - ពង្រឹងនិងកាពារអភិរក្ស និងអភិវឌ្ឍន៌ព្រៃឈើឡើងវិញ

            - សាងសង់ស្រះទឹកដោយប្រើប្រាស់ប្រព័ន្ឋភ្លើងសូឡា

            - សហការណ៌ដើម្បីផែនការគ្រប់គ្រងព្រៃសហគមន៌

ទាញយកអនុផលព្រៃឈើដូចជា ផ្សិត ស្លឹកព្រិច ទំពាំងៈ

            - បង្កើតកន្លែងប្រមូលផ្តុំបន្លែធម្មជាតិ   

            - ថែទាំ និងដាំឡើងវិញនូវដំណាំឬស្សី និងក្រវ៉ាញ់។