លោក ប៉ិន សុង ប្រធាននិង លោក ម៉ូត ប៊ុនឡាំ អនុប្រធានការិយាល័យកសិកម្ម ធនធានធម្មជាតិ និង    បរិស្ថានស្រុកបវេល បានចុះជួបកសិករ និងពិភាក្សាពីផលិតដាំបន្លែ នៅតាមបណ្តុំអាជីវកម្មដែលកម្មវិធីASPIRE បានបង្កើតឡើងនៅស្រុកបវេល។ ឃើញថានៅក្នុងខែនេះ កសិករមានការដំាដុះបន្លែនៅក្នុងផ្ទះសំណាញ់ និងក្រៅផ្ទះសំណាញ់ មានដូចជា ស្ពៃថៃស៊ីម, មមាញជ្រក់, ស្ពៃក្រញ៉ាញ់, ម្ទេសហើរ, សាលាដ, សណ្តែកកួរ, ត្រសក់ផ្អរ និងស្ពៃក្តោប។