នៅថ្ងៃសុក្រ ១៣រោច ខែមាឃ ឆ្នាំកុរ ឯកស័ក ព.ស២៥៦៣ត្រូវនឹងថ្ងៃទី២១ ខែកុម្ភៈ ឆ្នាំ២០២០ លោក សាន់ ប៉ុន ទីប្រឹក្សាតាមដានវាយតម្លៃ និងគ្រប់គ្រងព័ត៌មានវិទ្យា លោក ពុធ ចំរើន ទីប្រឹក្សាហិរញ្ញវត្ថុ និងលទ្ធកម្ម លោក អ៊ុន វ៉ាន់នេត ទីប្រឹក្សាសម្របសម្រួលទីផ្សារ និងលោក អ៊ូច ភីរម្យ ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកមោងឬស្សីនៃកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE) បានចុះទៅជួបកសិករបណ្តុំអាជីវកម្មបន្លែ នៅភូមិវាល ឃុំតាលាស់ ស្រុកមោងឬស្សី ខេត្តបាត់ដំបង និងបានជជែកពិភាក្សាពីការដំាដុះបន្លែ និងការសម្របសម្រួលលក់បន្លែនៅទីផ្សារ ព្រមទំាងបញ្ហានានាមួយចំនួន ។ កសិករនៅភូមិវាលបច្ចុប្បន្នមានអ្នកដំាបន្លែចំនូន៨គ្រួសារ ដែលមានផ្ទៃដីចំនួន ២២ ៤០០ម៉ែត្រការ៉េ។ កសិករនៅតំបន់នោះចូលចិត្តដំាបន្លែមាន៖ ស្ពៃថៃស៊ីម ស្ពៃខៀវ ស្ពៃសក្រញាញ់ សាលាដ ខាត់ណាផ្កា សណ្តែកកួរ និងត្រសក់ផ្អរ។ កសិករនៅភូមិវាល មិនមានឈ្មួញណាមកទិញបន្លែនៅភូមិទេ គឺកសិករតាមគ្រួសារនីមួយៗដឹកទៅផ្សារមោងឬស្សីខ្លួនឯង ដោយស្ពៃថៃស៊ីមលក់បានតម្លៃ១៥០០៛   ស្ពៃខៀវលក់បានតម្លៃ១០០០៛  ស្ពៃសក្រញាញ់ លក់បានតម្លៃ១៥០០៛  សាលាដលក់បានតម្លៃ១៥០០៛ ខាត់ណាផ្កា លក់បានតម្លៃ២៥០០៛ សណ្តែកកួរលក់បានតម្លៃ២០០០៛ និងត្រសក់ផ្អរលក់បានតម្លៃ១៥០០៛ក្នុងមួយគីឡូក្រាម។ ពួកគាត់ពិតជាសប្បាយចិត្តខ្លំាងណាស់ចំពោះតម្លៃបន្លែបច្ចុប្បន្ន អ្វីដែលជួបបញ្ហាគឺមិនមានទឹកគ្រប់គ្រាន់សម្រាប់ដំាបន្លែបន្តព្រោះស្រះទឹកជិតអស់ទឹក និងពពួកចង្រៃសត្វចង្រៃបំផ្លិចបំផ្លាញដំណាំ។