លោក អុិន សុវណ្ណមុន្នី អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង និងជាអនុប្រធាន អនុកម្មវិធី ASPIRE បានដឹកនាំក្រុមការងារចុះពិនិត្យមើលផ្ទះសំណាញ់ដែលក្រុមហ៊ុនសំណង់ក្មេងវត្ថុបានធ្វើ នៅស្រុកសំឡូត៖
១) លទ្ធផលសំខាន់ៗ
បានជូប និងពិភាក្សាជាមួយ កសិករ ឡុង មុំ ភេទស្រី រស់នៅភូមិអំពិប ឃុំមានជ័យ ស្រុកសំឡូត ខេត្តបាត់ដំបង ធ្វើ់រួច១០០% ជាផ្ទះសំណាញ់ស្តីពីធុរកសិកម្មផ្សព្វផ្សាយដំណាំបន្លែសុវត្ថិភាពជាស្តង់ដាផ្ទះសំណាញ់ទំហំផ្ទះសំណាញ់ដែលមានទទឹង១០មx៣៦ម ស្មើនឹង៣៦០ម២ ដែលជាប្រភេទផ្ទះសំណាញ់គឺ
-មានដំបូលប្លាស្ទិក ទប់ UV (អ៊ីស្រាអែល) មានប្រឡោះខ្យល់
-មានជញ្ជាំងសំណាញ់ ទប់ UV (អ៊ីស្រាអែល)អាចបើកបាន បិទបាន
-គ្រោងដែក(អ៊ីស្រាអែល) មិនច្រេះ
-មានទុយយោ និងបអ្គុំ (ស្តង់ដា (ស្តង់ដាអ៊ីស្រាអែល)
-ស្រោចស្រពដោយប្រព័ន្ធដំណក់ទឹក(Drip Irrigation)
-ដែលគាត់គ្រោងដំាប៉េងប៉ោះ
បានជូប និងពិភាក្សាជាមួយកសិករ ម៉េង ថាំង ភេទប្រុស រស់នៅភូមិអូរដើមចេក ឃុំកំពង់ល្ពៅ ស្រុកសំឡូត ខេត្តបាត់ដំបង កសិកររូបនេះបានទទួលផ្ទះសំណាញ់ពីកម្មវិធីASPIRE ចំនួន១ខ្នងទំហំទទឹង៥ម និងបណ្តាយ៩ម សម្រាប់ដាំបន្លែសុវត្ថិភាពលក្ខណគ្រួសារខ្នាតតូច តែគាត់មិនទាន់បានលក់បន្លែនៅឡើយទេ ។
បានជូប និងពិភាក្សាជាមួយកសិករ ញ៉ែម អឿន ភេទប្រុស រស់នៅភូមិអូរជំាកណ្តាល ឃុំកំពង់ល្ពៅ ស្រុកសំឡូត ខេត្តបាត់បាត់ដំបង។ កសិកររូបនេះ បានទទួលផ្ទះសំណាញ់ពីកម្មវិធីASPIRE ចំនួន១ខ្នងទំហំទទឹង៥ម និងបណ្តាយ៩ម សម្រាប់ដាំបន្លែសុវត្ថិភាពលក្ខណគ្រួសារខ្នាតតូច តែគាត់បានលក់បន្លែនៅផ្ទះសំណាញ់ក្នុង១វគ្គលក់បន្លែបានជាង១០ម៉ឺនរៀល ។
២) បញ្ហាប្រឈមនានា
ផ្ទះសំណាញ់ធំស្តង់ដាអ៊ីស្រាអែលមិនមានទ្វារបើក និងបិទ
កសិករខ្វះមិនទាន់បានធ្វើការដំាដុះបន្លែនៅក្នុងផ្ទះសំណាញ់(មានកសិករខ្លះខ្វះទឹក)
កសិករគ្រោងដាំដុះបន្លែតែមួយមុខនៅក្នុងផ្ទះសំណាញ់
៣) អនុសាសន៍ក្រុមការងារ
ដោយដំណាំមានអាយុខ្លី (ដូចជាស្ពៃថៃស៊ីម ស្ពៃក្រញាញ់ និងសាលាដ) សូមឲ្យគាត់ដំាប្រើគ្រាប់ហើយចំបើង
សម្រាប់ផ្ទះសំណាញ់ធំសូមឲ្យគាត់រៀបចំផែនការដំាដុះបន្លែឲ្យបាន២មុខ
រៀបចំផែនការដំាដុះបន្លែសុវត្ថិភាពនៅតាមផ្ទះសំណាញ់ឲ្យបានគ្រប់ៗគ្នា កុំទុកដីឬផ្ទះសំណាញ់ឲ្យទំនេរចោល
ពង្រីកការដំាដុះបន្លែខ្នាតធំដោយប្រើប្រព័ន្ធស្រោចស្រព ងាយស្រួល ហើយមានការសន្សំសំចៃទឹកទៀត។
ការចុះពិនិត្យមើលផ្ទះសំណាញ់នេះ ប្រព្រឹត្តនៅថ្ងៃទី១២ ខែកុម្ភ ឆ្នាំ២០២០៕
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម