ថ្ងៃអង្គារ ១០រោច ខែពិសាខ ឆ្នាំកុរ ឯកស័ក ព.ស២៥៦៣​ ត្រូវនឹងថ្ងៃទី២៨ ខែឧសភា ឆ្នាំ២០១៩ លោក ឡុង ផន អនុប្រធានមន្ទីរ លោក សួស ចាន់ធី អនុប្រធានការិយាល័យនីតិកម្មកសិកម្ម បានអមដំណើរគណៈប្រតិភូ ឯកឧត្តម គឹម សុន រដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ ចុះត្រួតពិនិត្យចរាចរជី និងថ្នាំកសិកម្មខុសច្បាប់ តាមច្រកនៃស្រុកសំពៅលូន ភ្នំព្រឹក និងស្រុកកំរៀង។ បន្ទាប់ពីចុះត្រួតពិនិត្យនៅតាមច្រកព្រំដែនរួចហើយ នៅរសៀលនេះ លោកប្រធានមន្ទីរ ព្រមទាំងសហការីនៃមន្ទីរកសិកម្ម រុក្ខាប្រមាញ់ និងនេសាទ​ បន្តចូលរួមពិភាក្សាលើការងារបង្ការ និងទប់ស្កាត់ការនាំចូលថ្នាំកសិកម្ម និងជីកសិកម្មខុសច្បាប់តាមច្រកព្រំដែន ក្នុងភូមិសាស្រ្តខេត្តបាត់ដំបង ក្រោមអធិបតីភាព  ឯកឧត្តម គឹម សុន រដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ និង ឯកឧត្តម​ ហឿង សុគន្ធ អភិបាលរង នៃគណៈអភិបាលខេត្តបាត់ដំបង ដែលរៀបចំនៅសាលាខេត្តបាត់ដំបង។