- នៅព្រឹកនេះ លោក ឈឹម វជិរា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានចូលរួមកិច្ចប្រជុំពិភាក្សាការងារស្តីពីកិច្ចសហប្រតិបត្តិការ រវាងរដ្ឋបាលខេត្តបាត់ដំបង នៃព្រះរាជាណាចក្រកម្ពុជាជាមួយក្រុងជង់សុងហ្គាន់ ខេត្តជុងសានប៊ុក នៃសាធារណរដ្ឋកូរ៉េ ដែលប្រព្រឹត្តនៅសាលាខេត្តបាត់ដំបង នៃព្រះរាជាណាចក្រកម្ពុជា ដែលកិច្ចប្រជុំពិភាក្សានេះ ដឹកនាំដោយ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង (ភាគី រដ្ឋបាលខេត្តបាត់ដំបង) លោក យង់ ឃ្យូងហេ អភិបាលក្រុងជង់សុងហ្គាន់ (ភាគីក្រុងជង់សុងហ្គាន់ ខេត្តជុងសាន ប៊ុក នៃសាធារណរដ្ឋកូរ៉េ)។
- នៅរសៀលថ្ងៃនេះដដែល លោកប្រធានមន្ទីរ និងសហការីនៃមន្ទីរកសិកម្ម រុក្ខាប្រមាញ់ និងនេសាទខេត្ត បាត់ដំបង បានចូលរួមកិច្ចប្រជុំពិភាក្សាដើម្បីតៀ្រមធ្វើបទបង្ហាញនៅក្នុងសន្និបាតប្រចាំឆ្នាំ២០១៨ របស់រដ្ឋបាលខេត្តបាត់ដំបង លើប្រធានបទ “បញ្ហាទឹកសម្រាប់ប្រើប្រាស់និងប្រព័ន្ធស្រោចស្រពលើវិស័យកសិកម្ម” នៅបណ្ណសារដ្ឋាន សាលាខេត្តបាត់ដំបង ក្រោមអធិបតីភាព ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម ប៊ុត គឹមស៊ាន អភិបាលរង នៃគណៈអភិបាលខេត្តបាត់ដំបង។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម